VITIGES Dalmara

VITIGES Dalmara

stabuli praefectus, sub Theodato, Ostro. Gothorum in Italia Rege IV. huic surrogarise curavit. Postea Romam accurrens, cum 4000. militum, populum iuramentô sibi adstrinxit, repudiatâque uxore, Marasuentam, filiam Amalsuntae, sibi iunxit, raptis Antecessoris sui thesauris. Sed Romani, appropinquanti Bellisario portas recluserunt, urbem obsidente Vitige. A. C. 537. cum LM. hominum, ultra annum; quam relinquere coactus est, ut Ariminum sibi inter ea ereptum recuperaret: sinistrô successu. Namque Mediolanô, Novarâ, Bergamô etc. a Belisario exutus, et hanc obsidionem solvit, Ravennamque se recepit: ubi dedere se coactus est, A. C. 539. Hinc victor eum cum Uxore, et Magnatibus, Constantinopolim misit, ubi ex Rege Patritius tactus est. Procop. de Bello Goth. l. 2. Ei successit Theobaldus.